Cонжоо   

 

Зарим хүн "Энэ ертөнцөд надад ганцхан хайр л хэрэгтэй” хэмээн сэтгэлд нь гал, цусанд нь дөл бадарч байхад зарим нь ийм хөгийн юманд цаг, нервээ гарздахгүй гэж үздэг. Харин та хайр дурлалд хэрхэн ханддаг вэ? 

1. Та найзынхаа /хайртай залуу, бүсгүйнхээ/ юуг нь илүү үнэлдэг вэ? 

а. Сайхан төрх байдлыг - 2 

б. Ухаан, боловсролыг - 7 

в. Намайг хайрладгийг нь - 10 

2. Та "анхны харцаар дурлана” гэдэгт итгэдэг үү? 

а. Тэгэлгүй яах вэ? Энэ чинь л жинхэнэ хайр дурлал шүү дээ - 10 

б. Тийм юм хоовор байх аа даа - 7 

в. Би ерөөсөө тэр хайр дурлал гээч юманд итгэдэггүй - 0 

3. Хэрвээ найз/хайрт чинь хүсвэл чи урд нь үзчихсэн киногоо дахин үзэж чадах уу? 

а. Түүнтэйгээ хамт би хаашаа ч, юунд ч явсан бэлэн - 7 

б. Яах вэ, бид киноны дараа уулзаж болно ш дээ - 3 

в. Хэрвээ сонирхолтой кино байвал дахиад үзсэн ч яадаг юм бэ? - 6 

4. Хайрт чинь чиний найз нартай ердөө таарахгүй байна, яах вэ? 

а. Түүнээс салж л орхино... - 2 

б. Найз нараасаа холбоогоо тасална - 10 

в. Ийм байдлыг ердөө төсөөлж чадахгүй байна - 7 

5. Та хоёр хол байхад та хайртынхаа юу хийж байгааг мэддэг үү? 

а. Ерөнхийдөө мэднээ, ихэнхдээ л би түүнийг хаана, юу хийж явааг нь мэддэг - 7 

б. Би түүнийг бүх л амьдралын нь турш мөрдөн дагаж чадахргүй ш дээ - 4 

в. Энэ нэг их сонин биш ээ - 0 

6. Та хоёр гүн ухааны элдэв асуудлаар хоорондоо ярилцдаг уу? 

а. Тийм, заримдаа бид "философдох” дуртай - 7 

б. Бид ихэнхдээ огт өөр юм хийж байдаг - 2 

в. Яах гэж? - 1 

7. Та түүнтэй үргэлж хамт амьдрахыг хүсч байна уу? 

Тийм ээ, ганцаараа байх уйтгартай ш дээ - 7 

Яасан ч үгүй. Хамтын амьдрал хайр сэтгэлийг үгүй хийдэг - 1 

Тэгэлгүй яах, бид бие биендээ хайртай юм чинь - 9 

8. Та хоёрын харьцаа төгсгөл болно гээд төсөөлөөд үз дээ? 

а. Энэ тухай бодохыг ч хүсэхгүй байна - 9 

б. Эрт орой алин боловч ийм юм болох л байх л даа - 4 

в. Хагацаж салахгүйн тулд бүхнийг хийнээ - 7 

9. Цагийн аясаар та хоёрын харьцаа тийм ч "романтик” биш болж, оргилсон дурлал, хүсэл тачаал чинь буурчээ... 

а. Ийм юм байж болохгүй - 9 

б. Ийм харьцаатай байсан ч болохгүй нь юу байх вэ? - 1 

в. Би түүнээс шууд л сална - 7 

Оноогоо тоолж үзье 

Хэрвээ 55 болон дээш оноо авсан бол: Та мөрөөдөмтгий, бүр хэт хийсвэр, бараг бүтэшгүйг мөрөөддөг хүн юм. Таны энэ их мөрөөдлийг хайрт чинь ойлгохгүй байж болох учраас та гэнэтийн тааламжгүй мэдээ авахад бэлэн байх хэрэгтэй. Ер нь дан мөрөөдлөөр амьдрахаа болих гээд үзэх хэрэгтэй юм биш үү? 

29-54 оноо авсан бол: Хайр дурлал таны хувьд чухал зүйлийн нэг юм. Гэхдээ та тогтвортой, газрын хөрснөө хоёр хөл дээрээ бат зогссон, дурлалын мөрөөдөл, элдэв явдалтайгаа зууралдаад байдаггүй, аливааг зөв зохицуулж чаддаг бололтой. Таны амьдралд хайр дурлалаас гадна олон сонирхолтой, сайхан зүйл бий. 

28 болон түүнээс доош оноо авсан бол: Та амьдралд шүүмжлэлтэй, хэт бодит ханддаг юм байна. Таны хаамтрагчдаа хандах хандлага чинь зөв зүйтэй ашигтай солилцоо маягтай л юм. Гэр бүлийн амьдралыг ч зөвхөн гэрээгээр л хардаг, хайр дурлалын тухай яриа хөх инээдийг чинь хүргэдэг ажээ.